tiiät

tiiät ku hüä om vaihtõpääl üüse ütsindä huulitsid piteh hulki
tiiät ku laja võit olla üts väikokene tarõ ku sääl õnnõ und nätä
tiiät ku pallo mahus ütte kiilde miä om kõrraga võõras ni uma
tiiät kuis tundus kaia mõtsa pääle miä jääs kolmõ kuninga valdustõ
tiiät kuis tundus ku olõt mõistmalda tutvid sõnno
tiiät kuis tundus ku õnnõ verest sündünü järv mõist midä märgit
tiiät midä arvada ku päiv nõsõs jälki pallo varra
tiiät mille om vaia minnä